Posts Tagged ‘saan galing?’

mga anik-anik

image of Bart Simpson advocating for open sourcing

May mga sinulat na sinaliksik, may galing sa classic plots at may mga pinulot lang sa tabi-tabi/ toomanytabs.com

 

1. Higit sa sampong oras ang ginugol para sa fact-checking ng post na Bakuran Natin.

 

2. May 23 pictures na naka-attach sa  Sabado ng Kamusmusan. Naisulat itong post dahil sa balitang  nakalagay daw sa bagong bente pesos ang larawan ng alamid.

 

3. Ang mahabang post na Sukatin Mo ay maiksi lang sa original draft dahil tungkol lang sana iyon sa gatang, salop at kimis.

 

4. Ang premise ng post na Ang Paho Nga Naman ay wala yatang Pilipinong hindi alam kung ano ang mangga. Naisulat ito dahil may nag-request na mambabasa. Maiksi rin lang ito sa original draft.

 

5. Isa sa posts na pinakanahirapan akong sulatin ay ang Nagsusunog – tungkol sa waste disposal. Walang gasinong pumansin sa entry na ito.

 

6. Ang Bagong Betamax -Rated PG ang unang nailathala sa walong blog about blogging entries dito sa site.

 

7. Ang Minsan, Dumating Ka sa Buhay Ko ang una kong pagtatangkang magsulat ng post ukol sa pag-ibig. Galing sa classic plot ng romance ang ideya para dito  na karaniwang nasa romance books at chick flicks.

 

8. Ang dramatic technique na ginamit sa  Kung Tapos na Ang Lahat ay mayroong dalawang lalaking nag-uusap – isang nagle-lecture at isang nile-lecture-an.

 

9. Ang Larawan ng Taong Wala sa Sarili, tungkol sa pagiging in love, ay naisulat dahil lang sa trip, kumbaga. Labintatlong prose and poetry naman ang naging supling nito.

 

10. Ang ideya para sa madramang post na Bukas ay galing sa post ng isang ka-blog na may comprehensive update sa showbiz at politika ng bansa pagkatapos ang dulo ay may nami-miss syang tao.

 

11.  Ang Daloy, tungkol sa pagkaipit sa trapiko, ay naisulat sa loob ng isang Tapsilog House, Biyernes, bago mag-alas-sais. Inilathala naman ito nang sumunod na Biyernes, bago rin mag-alas-sais.

 

12.  Ang ideya para sa post na Habang Wala Ka ay galing sa pelikulang While You Were Sleeping ni Sandra Bullock at sa kantang If You’re Not Here (By My Side) ng Menudo.

 

13.  Ang nilalanggam sa tamis na Sa Aking Paningin ay galing sa kantang Just the Way You Are.

 

14.  Ang post na Salamat ay pasasalamat sa blogosphere.

 

15. Ang Huling Araw ng Pasok ang una kong pagtatangkang gumawa ng fiction. Naisulat at nailathala ito sa parehong araw.

 

16. Ang post na Ang Kwento ni Nine ay naka-14 na revisions bago inilathala.

 

17. Bukod sa kagustuhang magbahagi ukol sa tradisyon ng ligawan sa nayon, isinulat ang Nanliligaw sa Tanghali para okrayin ang aking mga ate.

 

18. Totoong panay ang aking ngiti noong sulatin ko ang post na Ngiti.

 

19. Ang post na Ang Magmahal ay galing sa kantang To Love Somebody at sa pelikulang May Minamahal.

 

20. Ang ideya para sa tulang Nananawagan ay galing sa kantang The End of the World na iniba lang ang twist.

 

21. Ang Payapang Dagat is a very personal post.

 

22. May dalawang posts sa site na sinadyang hindi i-italicize ang mga salitang Ingles sa unang paggamit sa kanila.

 

23. Sobrang bagal kong mag-type. Ang karaniwang ita-type ng iba sa loob ng sampong minuto, baka aabutin sa akin ng 30 minuto.

 

24. 85% ng posts sa site ay nakasulat-kamay ang original drafts at isinulat gamit ay lapis.